ينتابني شعور مدري كيف تغير الحال ...
مدري شعوري ذا هو معزه هو حب ولا مجرد شي سكن في البال ..
.هي مسألة وقت لعب صبايا وناسه وخبال ...
وإلا هو حلم لازمني طول الليال ...
أحيان أحس إنه حلم صعب ميصاله ...
وأحيان أقول شيء في بالي ومع الأيام راح يتم إهماله ...
القلب يقول لا تكابري وتكتمي حكي بداخلك تخفيه ...
والعقل يشكي يعاتبني يقول أتعبتيني من كثر التفكير فيه ...
مرت ليالي وليالي ...
وأحد ذيك الليالي ...
صادف يوم وأنا جالسه بروحي ...
قلت أطل أشوف الدنيا عساي ألقى منظرن سموحي ...
صعد ناظري فوق لين وصل حد القمر ...
ولا شعورين سألته ...
ياترى القدر بيجمعني أنا وإنسان صار لي أغلى البشر ... ؟؟
طال إنتظاري ولا لقيت منه جواب ...
بصمته ,,
كأنه يقول القدر ممكن يجمع مابين قلبين ولكن ياما فرق من أحباب ...
ثم سكت ,,
وليته ماسكت ...
في حالة صمت ...
سرح ناظري بشكل القمر ونوره ...
كيف هو ينور العالم بنوره ...
وسرح قلبي هو حزين وإلا مسرور ...
وقتها بس عرفت إن اللي بقلبي ماهو شوي ...
عرفت إنه حلم ماظن بنساه ما دامني حيه ...
وأكدتلي الأيام ,, كلامي ...
لأنه كان جزء من أحلامي ...
والحين صار معي بيومي وكل أحلامي ...
خبيت ,,
خبيت ,,
خبيت ...
إلين وصلت حد عرفت إني حبيت ...
بديت أتخيله معي بنفس البيت ...
يواسيني إلى مني بكيت ...
ويفرح بجيتي لو على الباب دقيت ...
ويمسح دموع عيني لامن حد يبكيها ...
وإن كل شي ايتمناه أحطه بين يديه ...
صار معي بمأكلي وبمشربي وبمرقدي ...
عمري ماعزيت معزه غيرتني من مولدي ...
صحيح أنا عزيت ناس واجد ...
حالي مثل حال أي وحده ...
عزيت وهم بعد حبيت ...
أمي اللي إحملتني ...
تسع شهور وهي تصبر طوال الليل من ألم تقول يابنيتي أتعبتيني ...
وكله عليها هان يوم اولدتني ...
وقربوني منها وإحضنتني ...
أغلى البشر أمي لـ بر الأمان وصلتني ...
وأبوي اللي من سمع دقات قلبي ...
من وأنا طفله أحبي ...
سهر طوال الليل لجل بس لا طلبته شي يلبي ...
صار لي أب وأخ وصديق ...
يفرح لا من فرحت ...
يعاف الدنيا لاحس إن فيني ضيق ...
كبرني وعلمني ...
ومن أشياء كثيره حذرني ...
وكلمته دايم إفهمي الدنيا وريحيني ...
يعني بأشد اختصار ...
هو سندي بذا الدنيا وأضيع دونه لو يتركني ...
*^*^ أدعي ربي وأرتجيه ماتحرمني والديني *^*^ ...*^*^ عساني مبكي الغاليه ولا الغالي بعد أبكيه *^*^ ..
وأخواني وأخواتي ...
شاركتهم حزنهم وشاركوني بالأحزان ...
شاركوني بالفرح وشاركتهم بالأفراح ...*^*^ وأنا أدعي ربي الرحمن *^*^ ...*^*^ لايفرقنا لاعذول ولا خناس *^*^ ...
ويسعدهم ولا أشوف فيهم أحد يعاني من الجراح ...
عزيت ناس وعزوني ...
عرفتهم وعرفوني ...
عاملتهم بالطيب وبالطيب عاملوني ...
عديتهم خوات وأخوان وبمكانة الصديق والصديقه ,,
والإخت عدوني ...
وهذا كله شي عادي ...
حال كل شخص يعز وينعز ...
المعزه والمحبه موجوده بالدنيا شي وكادي ...
بس الغريب يا ( ســــمــــا ) ...
اللي عزيتيه الحين ولا تكابري قولي إنك حبيته ...
عمره ماحاكاك ولا عمرك حاكيتيه ...
عمره ماشافك ولاعمرك شفتيه وجيتيه ...
مجرد كلام تسمعينه عنه ...
تسمعين إنه عمل وفعل وإنه ...
بالبدايه كنت بدون أحد يحس ,,
أسأل عنه ...
والحين أشغل فكري ودايم الدوم شايلتن همه ...
غيرت أشياء كثيره فيني لجله ...
وصرت خايفه يطير مني أدور حل كيف أضمنه ...
أضمنه يكون شريك لحياتي ...
زوجي أبو أولادي وبناتي ...
وبعد كل ماكتبته من سطور ...
أصرخ بصوت عالي جهور ...
لأول مره أعرف معنى الغلا والمعزه ...
وتأكدت إنه يجي شي يبعثر القلب ويهزه ...
وأقولها ياناس أحبه وأعزه ...
بس تدري ماهو غريب ,,,
لما يصير لك حبيب ,,,
تدعي ربي يكون لك هو النصيب ...
ومافي يديني شي أسويه ...
إلا اني أعمل بالأسباب ...
لأن مهما كانت ,,
معزتي وحبي فيه ...
مايدري الواحد وش المكتوب بالقدر والكتاب ..
والله يكتب اللي فيه الخير ..
